﻿Zabur 139
KOTUTUN I KINORINGAN DI KOBUATANO-KU MANTADKO IOKU KONDIRI

(Pemimpin)
O Tuhan, Ikau-no o mongimpuras dohon

(Jemaat)
Om kelo di kobuatano-ku

(Pemimpin)
Mogom-oku antava mingkakat-oku, nga elaan-Nu i.

(Jemaat)
Ohorotizan-Nu i pongitungan-ku dit osodu-ko sid dohon.

(Pemimpin)
Mamanau-oku antava modop-odop-oku, mozo-vozo-koi dohon

(Jemaat)
Tu mongontupat-ko di sokoviai i vazaan-ku

(Pemimpin)
Sabap nunu-nopo i boros-ku, amu-po kalabpu, elaan-Nu no.

(Jemaat)
Ikau-no mongolimput dohon

(Pemimpin)
Om i palad-Nu nga ikama-no sid dohon.

(Jemaat)
Nunu-nopo gamaon-nu dot osundu, amu-oku katalahas-ino iadino.

(Pemimpin)
Mogidu-oku sid sodu, kakali sid saralom-oku di Sundu-Nu

(Jemaat)
Siombo-nopo i polombusan-ku, kakali sid tinoguvangon-Nu.

(Pemimpin)
Ong mindakod-oku sid avan, nga sori koid avan

(Jemaat)
Modop-odop-oku sid naraka, nga sori-koid naraka

(Pemimpin)
Tumulud-oku mozo di kosilahon, tu rumikot-oku sid rahat di banalko osodu,

(Jemaat)
Tantu sori-no i palad-Nu mangagazad oin monunda dohon.

(Pemimpin)
Bang momoros-oku dot,

(Jemaat)
Mokituvong-oku tu mintoron-oku sid otuvong, kangku,

(Pemimpin)
Tantu it otuvong dino anavau iadko adau,

(Jemaat)
Sabap sid Dikau i sodop iadko adau.

(Pemimpin)
Sabap Ikau-no o minongurug di guvas um ginavo-ku

(Jemaat)
Ikau-no o minangaluk dit ongokobuatano-ku kakal-okui sid tizan dit idi-ku.

(Pemimpin)
Monorima kaseh-oku sid Dikau, sabap arangkap banal ino gama-Nu mongurug dohon.

(Jemaat)
I sokoviai i ginama-Nu, nga tatanid, tu kisundu-nopo.

(Pemimpin)
Nopurimanan-ku banal sokoviai ino.

(Jemaat)
Izap-izapon-Nu i tulang-ku di lumoput-oku-ogi sid rondom sid paganakan dit idi-ku.

(Pemimpin)
Notutunan-oku-no laid Dikau dit amu-po naluk-oku do bizahat sid tizan dit idi-ku

(Jemaat)
Om nokotimbagos-nu-no laid i konoruvo dit sukud-ku dit amu-po nakalata i mato-ku sid pomogunan.

(Pemimpin)
Amu-ku asansad humarati i pongitungan-nu, O Kinoringan

(Jemaat)
Tu amu-no milod kiroon.

(Pemimpin)
Ong izapon-no ogumu mantadko i pantai,

(Jemaat)
Suvab-suvab ong oposik-oku-po, Ikau-nopo o piohondom-ku

(Pemimpin)
Sampai asot elaan-ku do rontob.

(Jemaat)
O Kinoringan, binasao-no it ongoulun dot araat

(Pemimpin)
Om sunsubo-no pensodu inot ongomangazou.

(Jemaat)
Pokoraat-nopo dikou ioti, o Tuhan

(Pemimpin)
Om mongusok-nopo di ngaran-Nu

(Jemaat)
Asana-oku banal dit ongoulun di sumana Dikau o Tuhan

(Pemimpin)
Mad mikokot-no i ginavo-ku mongitung dit ongoulun di sumaap Dikau.

(Jemaat)
Banalko otogod-oku dioti, ioti-no o kasanaan-ku.

(Pemimpin)
O Kinoringan, impurasai-oku-no om intutunan-no i ginavo-ku

(Jemaat)
Porisao-oku-no sampai horotizai-no i pongitungan-ku

(Pemimpin)
Om imatai-no i vazaan-ku.

(Semua)
Tu kabambol-oku dati do karaatan. Om tudukai-oku-no di vazaan sid penlaid.

